Mu mwezi wa Seputembala 2013, ŵadumbu 9 ŵa mpingo wa Cingelezi wa Lilongwe ŵakaluta kukapharazga ku Mpingo wa Ntcheu Central. Ŵakazomerezgeka na ofesi ya munthavi kuti ŵalute. Zuŵa lililose ŵakambanga kupharazga 5:30 mulenji mpaka 6:30 mise. Panyengo iyo ŵakaŵa ku mpingo uwu, ŵakapharazga maora 625 na kugaŵira magazini 4,048. Ŵadumbu aŵa ŵakawonga comene wovwiri uwo ŵakapokera kufuma ku Mpingo wa Ntcheu Central. Ivyo ŵadumbu aŵa ŵakacita vikuyana na ivyo vili pa Salmo 110:3, apo pakuti: ‘Ŵanthu ŵako ŵajipelekenge na mtima [wose] mu zuŵa ilo ukulongozga nkhondo yako.’ Ŵakhristu ŵaunenesko ŵakumanyikwa na mtima wakujipeleka, umo ŵadumbu aŵa ŵakacitira.