Vya mu Uteŵeti wa mu Munda

Apo umaliro ukusendelera, tikwenera kulutilira kupharazgira ŵanthu wose. Para ticitenge nthena, Yehova watitumbikenge. Mwaciyelezgero, mwanalume munyake ku Lizulu wakasambira unenesko kwa mubali wake. Nangauli wakamwanga comene moŵa, kukhweŵa hona, kweniso wakaŵa na madiredi, kweni wakasintha wati wasambira unenesko. Wakabapatizika mu Okutobala 2011. Muwoli wake nayo wakabapatizika pa ungano wa cigaŵa mu 2013 ku Dedza. Mwanalume uyu sono ni muteŵeti wakovwira. Kasi tikusambirapo vici? Mazgu gha Ciuta ngankhongono ndipo ghakusintha ŵanthu. (Heb. 4:12) Kweniso, tikwenera kupharazgira ŵabali ŵithu.