Vipharazgo

◼ Mabuku ghakugaŵira mu Julayi: Maburosha agha: Ciuta Wakutiphalira Uthenga Uwemi!, Tegherezgani kwa Ciuta na Kuŵa Ŵamoyo Kwamuyirayira, Kasi Ciuta Wakutipwelelera Nadi? panji Mungaŵa Bwezi la Ciuta! Ogasiti: Tizamuŵa na upharazgi wapadera wakugaŵira thirakiti liphya lakumanyiska ŵanthu za Webusayiti ya jw.org. Seputembala na Okutobala: Magazini gha Gongwe la Mulinda na Galamukani!

◼ Tikumukumbuskani kuti mu sabata ya ungano wa cigaŵa mukwenera kucitika maungano gha mpingo yayi. Ici cikovwira ŵabali na ŵadumbu kunozgekera ungano. Kweniso, muzakasinthe nkhani za mu ungano wa uteŵeti para kwakhala sabata yimoza kuti ungano wa cigaŵa ucitike mu dera linu. Ivi vili nthena kuti muzakadumbiskane nkhani izi: “Sungilirani Makhaliro Ghinu Ghawemi Pakati pa Mitundu,” “Kucemera Ŵanthu ku Ungano,” na “Ivyo Tikwenera Kukumbuka pa Ungano wa Cigaŵa wa 2014” izo zili mu Uteŵeti Withu wa Ufumu wuno. Kweniso, mu sabata iyi (kung’anamura para kwakhala sabata yimoza kuti ungano ucitike) muzakaweleremo kalata iyo yikuyowoya vya kucita vinthu mwakupwelelera kuti tileke kucita ngozi pa maungano, ya Ogasiti 3, 2013. Para pajumpha mwezi umoza panji yiŵiri kufuma apo mukacitira ungano wa cigaŵa, pa cigaŵa ca ivyo vikukhumbikwa pa mpingo muzakadumbiskane fundo izo mukasambira pa ungano izo mukuwona kuti zingaŵa zakovwira mu upharazgi.