Kuweleramo mu Sukulu ya Uteŵeti wa Chiuta
Mafumbo agha ghazamuzgoreka mwakudumbiskana mu Sukulu ya Uteŵeti wa Chiuta mu sabata yakwambira pa Juni 29, 2015. Deti ilo fundo yiliyose yizamuyowoyekera pa mpingo lalembeka paumaliro wa fumbo mwakuti tipenjerezgenge fundo izi pakunozgekera sukulu sabata yiliyose.
Kasi chikabudika ntchivichi na umo Mikala wakayowoyera kwa Davide, ndipo awo ŵali mu nthengwa ŵakusambirapo vichi pa nkhani iyi? (2 Sam. 6:20-23) [Meyi 11, w11 8/1 peji 12 ndime 1]
Kasi ntchimi Natani yikachita wuli apo Yehova wakayichenya chifukwa cha kuphalira Davide kuti wazengere Yehova tempile? (2 Sam. 7:2, 3) [Meyi 11, w12 2/15 peji 24 ndime 6-7]
Chifukwa wuli Natani wakayowoya ntharika iyo yili pa 2 Samuel 12:1-7 m’malo mwa kumuphalira waka Davide kuti wachita kwananga kukuru? Ndipo kasi chakuchitika ichi chingatovwira wuli kuti tiŵe ŵasambizgi ŵawemi? [Meyi 18, w12 2/15 peji 24 ndime 2-3]
Ntchivichi icho chikapangiska kuti Ŵaisrayeli ŵapusikike mwaluŵiro na Abisalomu, ndipo ise tingajivikilira wuli ku ŵanthu awo ŵali nga ni Abisalomu? (2 Sam. 15:6) [Meyi 25, w12 7/15 peji 13 ndime 7]
Kasi Yehova wakamovwira wuli Davide pa nyengo iyo wakaŵa mu suzgo, ndipo ise tikusambirapo vichi? (2 Sam. 17:27-29) [Juni 1, w08 9/15 peji 6 ndime 15-16]
Kasi tikusambirako vichi kwa Davide pa umo wakachitira vinthu na Itai uyo wakaŵa wa mtundu unyake? (2 Sam. 18:2) [Juni 1, w09 5/15 peji 27 ndime 7]
Kasi ŵachekuru mu mpingo ŵangasambirako vichi kwa Barazilayi? (2 Sam. 19:33-35) [Juni 8, w07-CN 7/15 peji 15 ndime 1-2]
Kasi mazgu gha Davide ghakukhwaskana na kugomezgeka ghakukhozga wuli ŵateŵeti ŵa Yehova? (2 Sam. 22:26) [Juni 15, w10-CN 6/1 peji 26 ndime 6-7]
Kasi Natani wakalongora wuli kuti wakaŵa wakugomezgeka kwa Chiuta, ndipo tingamuyezga wuli mazuŵa ghano? (1 Mathe. 1:11-14) [Juni 22, w12 2/15 peji 25 ndime 1, 4-5]
Kasi mpha vinthu wuli apo muteŵeti wa Chiuta wangatondeka kupulikira malango gha Chiuta nga umo Solomoni wakachitira? (1 Mathe. 3:1) [Juni 29, w11 12/15 peji 10 ndime 12-14]