Chitemwa Ntchimanyikwiro cha Ŵakhristu Ŵaunenesko—Lekani Kupenja Vinu Pera na Kukwiya Luŵiro

CHIFUKWA WULI NTCHAKUZIRWA?: Yesu wakasambizga kuti ŵasambiri ŵake ŵazamumanyikwa chifukwa cha chitemwa. (Yoh 13:34, 35) Kuti tilongore chitemwa nga icho Khristu wakaŵa nacho, tikwenera kughanaghanira vyakukhumba vya ŵanyithu ndipo tikwenera kuleka kukwiya luŵiro.—1Ko 13:5.

IVYO TINGACHITA:

• Para munthu munyake wayowoya panji kuchita vinthu vinyake ivyo vyatikhuŵazga, tikwenera kughanaghanirapo dankha icho chapangiska kweniso ivyo vingachitika para nase tingawezgera.—Zi 19:11.

• Kumbukani kuti tose ndise ŵakwananga, ndipo nyengo zinyake tikuyowoya panji kuchita vinthu ivyo pamanyuma tikudandawura navyo

• Mazgani ivyo mwapambana mwaluŵiro

WONELERANI VIDIYO YA MUTU WAKUTI ‘MUTEMWANENGE’—LEKANI KUPENJA VINU PERA NA KUKWIYA LUŴIRO, NDIPO PAMASINDA ZGORANI MAFUMBO AGHA:

• Kasi Larry wakajipulika wuli Tom wati wapeleka sachizgo lake?

• Kasi kughanaghanirapo dankha kukamovwira wuli Tom kuti waleke kukwiya?

• Kasi zgoro lakuzika la Tom likawovwira wuli kuti paleke kuŵa mphindano?