“Tikugongowa Yayi”

4:16-18

Tiyelezgere kuti mabanja ghaŵiri ghakukhala mu nyumba yimoza yakale kweniso yambura kuwoneka makora. Linyake likukhala mwakukondwa apo linyake yayi. Chifukwa wuli? Banja linyake ili likukondwa chifukwa lisamukirenge mu nyumba yakutowa.

Nangauli “chilengiwa chose pamoza chikulutilira kutampha na kupulika vyakuŵinya m’paka sono,” kweni ŵateŵeti ŵa Chiuta ŵakumanya kuti vinthu viŵenge makora. (Ro 8:22) Tikumanya kuti masuzgo agho tikusangana nagho agho ghatisuzga kwanyengo yitali ‘ngakanyengo na ghakupepuka’ para tikuyaniska na umoyo wamuyirayira uwo Chiuta watipenge. Para tikughanaghanira vitumbiko ivyo tizamusanga mu Ufumu wa Chiuta, vitovwirenge kuti tiŵe ŵakukondwa na kuleka kugongowa.