Mungachita Makora Nangauli Mungaŵa na “Munga mu Thupi”

Mu mazuŵa ghaumaliro agha, ŵateŵeti wose ŵa Chiuta ŵakukumana na masuzgo agho ghali nga ni minga. (2Ti 3:1) Kasi tingachita wuli kuti tigomezgenge Yehova na kuzizipizga masuzgo agha? Wonelerani vidiyo ya mutu wakuti, “Maso gha Ŵachibulumutira Ghazamujulika” kuti mumanye ivyo Talita Alnashi na ŵapapi ŵake ŵakuchita. Ndipo pamasinda zgorani mafumbo ghakulondezgapo agha:

• Kasi Talita wali na ‘munga wuli mu thupi’?

• Kasi ni malayizgo wuli gha mu Baibolo agho ghawovwira Talita na ŵapapi ŵake kuti ŵalutilire kuwona vinthu mwakwenelera?

• Kasi ŵapapi ŵa Talita ŵakalongora wuli kuti ŵakugomezga Yehova pamanyuma pakuti Talita ŵamuchita opareshoni?

• Kasi ŵapapi ŵa Talita, ŵakachita wuli na vinthu ivyo gulu likutipa kuti ŵawovwire mwana wawo kutemwa Chiuta?

• Kasi Talita wakulongora wuli kuti wakukura mwauzimu nangauli wali na “munga mu thupi”?

• Kasi mwakhozgeka wuli na nkhani ya Talita?