Ŵawukirano—‘Jipelekani pa Milimo Yiwemi’

Mu kalata iyo wakalembera Tito, Paulosi wakachiska Tito na ŵanyamata ŵanyake kuti ŵakwenera kuchita vyose ivyo ŵangafiska kuti ŵaŵe “chakuwonerapo cha milimo yiwemi.” (Tit 2:6, 7) Mu chaputara chenechichi, Paulosi wakati ŵanthu ŵa Chiuta ŵali kutozgeka kuti ‘ŵajipeleke pa milimo yiwemi.’ (Tit 2:14) Yinyake mwa milimo yiwemi nkhupharazga na kusambizga ŵanthu vya Ufumu wa Chiuta. Usange ndimwe munyamata, kasi mungachitako upayiniya wakanyengo panji wanyengozose apo muchali ŵankhongono?—Zi 20:29.

Usange mukukhumba kuzakachita upayiniya, yambanipo kunozgekera. (Lu 14:28-30) Mukweneraso kughanaghanirapo mafumbo agha: Kasi muzamuchita wuli kuti musange vyakukhumbikwa pa umoyo? Kasi muzamuchita wuli kuti mufiske maora agho ghakukhumbikwa? Muphalirani Yehova nkhani iyi kuti wamovwirani. (Sa 37:5) Mungaŵaphalira ŵapapi ŵinu na ŵapayiniya awo ŵakufiska maora ivyo mukukhumba kuchita. Chitanipo kanthu kuti mufiske ivyo mukukhumba. Yehova wamutumbikaninge chifukwa cha kujipeleka pakumuteŵetera.

WONELERANI VIDIYO YAKUTI ŴAWUKIRANO AWO ŴAKUCHINDIKA YEHOVA, NA KUZGORA MAFUMBO GHAKULONDEZGAPO AGHA:

• Kasi ŵanyake ŵatonda masuzgo wuli kuti ŵachite upayiniya, ndipo ŵakachita wuli kuti ŵatonde?

• Kasi ŵapapi ŵangawovwira wuli ŵana ŵawo kuti ŵawe ŵapayiniya ŵanyengozose?

• Chifukwa wuli ntchiwemi kuŵa na ndondomeko yiwemi ya upharazgi?

• Kasi ŵabali na ŵadumbu mu mpingo, ŵangakhozga wuli mupayiniya na kumovwira?

• Kasi ŵapayiniya ŵakutumbikika wuli?