Zirwiskani Ubwezi Winu na Yehova

Ŵakaboni ŵa Yehova ŵali na mwaŵi wapadera chomene. Pakuti ndise Ŵakhristu ŵakubatizika, tikulutilira kukhozga ubwezi withu na Yehova, Fumu yithu yikuru. Wali kutiguzira kwa iyo kwizira mwa Mwana wake. (Yoh 6:44) Wakutegherezga malurombo ghithu.—Sa 34:15.

Kasi tingavikilira wuli ubwezi withu na Chiuta uwo ngwakuzirwa chomene? Chimoza ntchakuti tikwenera kugega vinthu viheni ivyo ŵakachitanga Ŵaisrayeli. Pati pajumpha nyengo yichoko waka ŵati ŵachita phangano na Yehova, ŵakapanga katholi kagolide na kwamba kukasopa. (Ek 32:7, 8; 1Ko 10:7, 11, 14) Tikwenera kujifumba kuti: ‘Kasi nkhuchita wuli para nasangana na chiyezgo? Kasi ivyo nkhuchita vikulongora kuti nkhuzirwiska ubwezi wane na Yehova?’ Para tikuŵatemwa chomene Adada ŵithu ŵakuchanya, tigegenge kuchita vinthu ivyo ŵakutinkha.—Sa 97:10.

WONELERANI VIDIYO YA MUTU WAKUTI VIKILIRANI UBWEZI WINU NA YEHOVA (KOL 3:5), NDIPO PAMANYUMA ZGORANI MAFUMBO GHAKULONDEZGAPO AGHA:

• Kasi udokezi ni vichi?

• Chifukwa wuli tikwenera kugega udokezi na kusopa vikozgo?

• Kasi uzaghali na kusopa vikozgo vikukolerana wuli?

• Chifukwa wuli awo ŵali na maudindo mu gulu la Yehova ndiwo chomene ŵakwenera kupwelelera vyakukhumba vya munyawo wa mu nthengwa?