Chilengiwa Chikutovwira Kuti Tigomezgenge Chomene Vinjeru vya Yehova

Kasi nyengo zose Yehova wakumanya icho ntchiwemi chomene kwa ise? Enya. Para tikugomezga fundo iyi, tilongorenge kuti tili na vinjeru ndipo tilondezgenge ulongozgi wake. (Zi 16:3, 9) Kweni nyengo zinyake tingayezgeka para ulongozgi wa Yehova ukupambana na ivyo tikughanaghana. Tingakhozga chigomezgo chithu mu vinjeru vya Yehova para tikughanaghanirapo chomene vinthu ivyo wali kulenga.—Zi 30:24, 25; Ro 1:20.

WONELERANI VIDIYO YA MUTU WAKUTI, KASI VIKAŴAKO VYEKHA? KASI NYERERE ZIKUCHITA WULI KUTI ZILEKE KUCHEDWESKANA PANTHOWA? NDIPO PAMANYUMA ZGORANI MAFUMBO AGHA:

• Kasi zuŵa lililose nyerere zinandi zikwenda kufuma nkhu?

• Kasi nyerere zikuchita wuli kuti zileke kuchedweskana pa nthowa?

• Kasi ŵanthu ŵangasambirako vichi ku nyerere pa nkhani ya umo zikwendera kufuma pa malo ghamoza kuluta pa ghanyake?

WONELERANI VIDIYO YA MUTU WAKUTI, KASI VIKAŴAKO VYEKHA? UMO NJUCHI YA MTUNDU UNYAKE YIKUDUKIRA, NDIPO PAMANYUMA ZGORANI MAFUMBO AGHA:

• Kasi ni masuzgo wuli agho ŵanthu ŵakukumana nagho para ŵakwendeska ndege zichokozichoko?

• Kasi njuchi yikuchita wuli kuti yileke kukankhika na mphepo para yikuduka?

• Kasi zuŵa linyake ŵanthu ŵangazakasanga wuli chandulo para ŵangatolera umo njuchi yikuchitira?

Kuyana na uko mukukhala, kasi ni ukaboni wuli uwo mwawona mu chilengiwa uwo ukulongora kuti Yehova ngwavinjeru chomene?