SEPUTEMBALA 2-8

MAZGU GHA CHIUTA MBUSAMBAZI

1. Temwani Zina Lauchindami la Yehova

(Mamin. 10)

Lekani kuchita vinthu ivyo vikuyuyura Yehova (Sa 79:9; w17.02 9 ¶5)

Chemani pa zina la Yehova (Sa 80:18; ijwbv 3 ¶4-5)

Yehova wakutumbika chomene awo ŵakumupulikira na kutemwa zina lake (Sa 81:13, 16)

Mubali wakupeleka kadi ya jw.org kwa munyake wa ku ntchito pa nyengo yakupumura. — Kuti nkharo yithu yichindike zina la Yehova, tikwenera kumanyiska ŵanthu kuti ndise Ŵakaboni ŵake

2. Ivyo Tasambira

(Mamin. 10)

Sa 80:1—Chifukwa wuli mafuko ghose gha Israyeli nyengo zinyake ghakachemekanga waka kuti Yosefe? (it-2-E 111)

Lembani zgoro linu
Kasi mwasanga fundo wuli pakuŵerenga Baibolo sabata iyi izo mungatemwa kuyowoyapo?

Lembani zgoro linu

3. Kuŵerenga Baibolo

(Mamin. 4) Sa 79:1–80:7 (th sambiro 10)

PHARAZGANI MWALUSO

4. Kwamba Kuyowoya na Ŵanthu

(Min. 1) KU NYUMBA NA NYUMBA. Pemphani munthu kuti musambirenge nayo Baibolo. (lmd sambiro 4 fundo 4)

5. Kwamba Kuyowoya na Ŵanthu

(Mamin. 3) KUPHARAZGA MWAMWAŴI. Pemphani munthu kuti musambirenge nayo Baibolo. (lmd sambiro 4 fundo 3)

6. Kwamba Kuyowoya na Ŵanthu

(Mamin. 2) KUPHARAZGA KU MALO UKO KUKUSANGIKA ŴANTHU ŴANANDI. Pemphani munthu kuti musambirenge nayo Baibolo. (lmd sambiro 3 fundo 3)

7. Kuwelerako

(Mamin. 5) KU NYUMBA NA NYUMBA. Pemphani munthu kuti musambirenge nayo Baibolo uyo kumasinda wakakana. (lmd sambiro 8 fundo 3)

UMOYO WACHIKHRISTU

8. “Ŵatuŵiskenge Zina Lane”

(Mamin. 15) Kudumbiskana.

Satana wakamba kubinkhiska zina la Yehova mu munda wa Edeni. Ndipo kufuma pa nyengo iyo, fumbo ilo lilipo ndakuti, kasi ŵanthu na ŵangelo ŵatuŵiskenge zina la Yehova panji yayi?

Wonani mautesi ghanyake agho Satana wayowoyera Yehova. Iyo wakuti Yehova ngwakukhwimiska vinthu ndipo ni muwusi wambura chitemwa. (Ge 3:1-6; Yob 4:18, 19) Wakuti awo ŵakusopa Yehova, ŵakumusopa chifukwa cha kumutemwa yayi. (Yob 2:4, 5) Iyo wapuluska ŵanthu ŵanandi kuti ŵagomezgenge kuti, ni Yehova yayi uyo wali kulenga charu chakutowa icho tikukhalamo ichi.—Ro 1:20, 21.

Kasi mukujipulika wuli na mautesi agha? Ntchakumanyikwirathu kuti mautesi agha ghakumupangiskani kukhumba kuvikilira zina la Yehova! Iyo wakamanya kuti ŵanthu ŵazamumovwira kutuŵiska zina lake. (Yaniskani na Yesaya 29:23.) Kasi mungawovwirapo wuli kuti zina la Yehova lituŵiskike?

Wovwirani ŵanji kumanya Yehova na kumutemwa. (Yoh 17:25, 26) Muŵe ŵakunozgeka kupeleka maukaboni ghakulongora kuti Yehova waliko na kusambizga ŵanthu mikhaliro yake yakukondweska.—Yes 63:7
Temwani Yehova na mtima wose. (Mt 22:37, 38) Pulikirani malango gha Yehova, chifukwa chakuti waka ngawemi yayi kweni chifukwa chakuti mukukhumba kumukondweska.—Zi 27:11

Chithuzi: Vithuzi vya mu vidiyo ya mutu wakuti “Chitemwa Chikumara Yayi Nangauli . . . Ku Sukulu Ŵanthu Ŵakopa Chiuta Yayi.” 1. Ariel wakhala pa desiki ndipo munyake wa mu kilasi lake wakumulongora na kufumba kuti chifukwa wuli wakusindamirako yayi ndembera. 2. Apo wakusambira payekha, wakuŵazga Baibolo na burosha lakuti “Ivyo Mungasambira mu Baibolo” sambiro 61. 3. Wimilira kunthazi mu kilasi wakupharazga. 4. Diego, munyake wa mu kilasi wakumupa hona. 5. Wakugwiliskira ntchito tabuleti kuti wafufuze. 6. Ngwakukondwa apo wakuwerako ku sukulu.

Wonelerani VIDIYO ya mutu wakuti, Chitemwa Chikumara Yayi Nangauli . . . Ku Sukulu Ŵanthu Ŵakopa Chiuta Yayi. Pamanyuma fumbani ŵategherezgi kuti:

Kasi Ariel na Diego ŵakavikilira wuli zina la Yehova?

Lembani zgoro linu
Ntchivichi chikaŵapangiska kuti ŵavikilire zina la Yehova?

Lembani zgoro linu
Kasi mungaŵayezga wuli?

Lembani zgoro linu

9. Sambiro la Baibolo la Mpingo

(Mamin. 30) bt mutu 15 ¶1-7 na mazgu ghakwamba gha chigaŵa 6