Ŵanthu Ŵakukhwima Mwauzimu Ŵakusankha Vinthu Mwamahara

Ŵazgani Genizesi 25:​29-34 kuti mumanye usange Esau na Yakhobe ŵakasankha vinthu mwamahara.

Sandani makora nkhani yose. Kasi ntchivichi chikachitika pambere nkhani iyo yindachitike? (Gen. 25:​20-28) Ndipo kasi ntchivichi chikachitika pamanyuma?—Gen. 27:​1-46.

Fufuzani kuti mumanye vinandi. Mu nyengo iyo, kasi mwana wakwamba kubabika wakaŵanga na udindo wuli ndipo wakapokeranga vitumbiko wuli?—Gen. 18:​18, 19; w10-CN 5/1 13.

• Kasi nyengo zose vitumbiko ivi vikasazgangapo kuŵa sekuru wa Mesiya? (w17.12 14-15)

Wonani ivyo mukusambirapo, ndipo londezgani. Chifukwa wuli Yakhobe wakawonanga kuti vitumbiko ivyo mwana wakwamba kubabika wakusanga ni vyakuzirwa chomene kuluska umo Esau wakawoneranga? (Heb. 12:​16, 17; w03-CN 10/15 28-29) Kasi Yehova wakaŵawonanga wuli ŵanyamata ŵaŵiri aŵa, ndipo chifukwa wuli? (Mal. 1:​2, 3) Kasi Esau wakakhumbikwiranga kuti wachite vichi kuti wasankhe vinthu mwamahara?

• Jifumbani kuti, ‘Kasi ningalongora wuli kuti nkhuzirwiska vinthu vyauzimu ivyo nkhwenera kuchita sabata yiliyose, nga nkhusopa kwa mbumba?’