Ŵabali Ŵakovwirana mu Nyengo ya Suzgo

VINDINDINDI, kusefukira kwa maji, na vibala vyakotcha ivyo vikuphulika pasi vikukoma chomene ŵanthu ku Indonesia. Para vinthu vya nthena ivi vyachitika, Ŵakaboni ŵa Yehova ŵakovwira mwaluŵiro awo ŵakhwaskika, chomenechomene ŵabali ŵawo ŵauzimu. Mwachiyelezgero, mu 2015 chindindindi chikuru chomene chikaphulika mu tawuni yikuru ya Gunungsitoli pa Chirwa cha Nias ku North Sumatra. Mipingo yapafupi na chirwa ichi, kweniso ofesi ya munthavi yikatumizga wovwiri mwaluŵiro ku chigaŵa icho chikakhwaskika na chindindindi. Mulaŵiliri wa dera na mwimiliri wa munthavi ŵakaluta pa ndege ku chirwa ichi kuti ŵakakhozge na kupembuzga ŵabali. Yuniman Harefa, uyo ni mulara pa chirwa cha Nias wakati: “Ŵanthu awo ŵakaŵa nase pafupi ŵakaŵa na wofi chomene. Kweni wovwiri waluŵiro wakufuma ku gulu la Yehova, ukatikhozga kuti tili tekha yayi.”