Kasi Ni Njani Uyo Wakayambiska Gulu la Ŵakaboni ŵa Yehova?

Gulu la Ŵakaboni ŵa Yehova likayamba m’ma 1800. Pa nyengo iyi, ŵanthu ŵachoko waka awo ŵakakhalanga kufupi na Pittsburgh, Pennsylvania, ku United States, ŵakayamba kusanda Baibolo. Ŵakayaniskanga ivyo matchalitchi ghakusambizga na ivyo Baibolo likuyowoya. Ivyo ŵakasambira ŵakayamba kuvipharazga mu mabuku, manyuzipepara, na mu magazini iyo pasono yikuchemeka Gongwe la Mulinda—Likupharazga Ufumu wa Yehova.

Pa ŵanthu aŵa pakaŵa Charles Taze Russell. Nangauli Russell wakadangiliranga ntchito ya kusambizga ŵanthu Baibolo na kulemba Gongwe la Mulinda, kweni wakayambiska chisopa chinyake yayi. Russell na ŵanyake awo ŵakasambiranga Baibolo, ŵakachemekanga Ŵasambiri ŵa Baibolo. Iwo ŵakapharazganga ivyo Yesu Khristu wakasambizga. Kweniso ŵakalondezganga ivyo Ŵakhristu ŵakwambilira ŵakachitanga. Pakuti Yesu ndiyo wakambiska Chikhristu, ndiyo wakambiska gulu la Ŵakaboni ŵa Yehova.—Ŵakolose 1:18-20.