Kasi Ŵakaboni ŵa Yehova Ŵazamupona Chifukwa cha Kupharazga?

Yayi. Ŵazamupona chifukwa cha kupharazga yayi. (Ŵaefeso 2:8)

Tiyelezgere: Munthu walayizga kuti wamupeleka chawanangwa chapadera ku ŵanthu awo ŵamusangika pa malo na nyengo iyo wayowoya. Usange mukumugomezga, mungaluta. Kweniso mungaphalirako ŵanyinu kuti nawo ŵakapokeko. Ntchakuzirwa kuluta ku malo agha kuti mukapoke chawanangwa, ndipouli mwamupoka chifukwa chakuti mweneko wakhumba kumupani.

Mwakuyana waka, Ŵakaboni ŵa Yehova ŵakugomezga kuti Chiuta wazamupeleka umoyo wamuyirayira ku wose awo ŵakumupulikira. (Ŵaroma 6:23) Ivyo ŵakugomezga, ŵakuphalirako ŵanyawo kuti nawo ŵazakasange umoyo wamuyirayira. Kweni ŵazamupona chifukwa cha kupharazga yayi. (Ŵaroma 1:17; 3:28.) Ivyo munthu wangachita ni vyakuzirwa kuti wazakapone. Ndipouli, Baibolo likuti tizamupona chifukwa cha milimo yaurunji iyo tikachita yayi, kweni chifukwa cha lusungu lwake.—Tito 3:5.