Kasi Ŵakaboni ŵa Yehova Ŵakuchita Umishonale?

Enya. Ŵakaboni ŵa Yehova ŵakuphalirako ŵanthu uthenga wa mu Baibolo, na ivyo ŵakugomezga. Ivi ndivyo ŵamishonale ŵakuchita.—Mateyu 28:19, 20.

Ŵakaboni ŵa Yehova ŵanyake ŵakusama na kuluta kukapharazga uthenga wa mu Baibolo ku malo uko ŵanthu ŵandawupulikepo. Ŵanyake ŵakuluta ku vyaru vinyake. Ŵakufiska ivyo Yesu wakayowoya, apo wakati: ‘Muzamuŵa ŵakaboni ŵane ku vigaŵa vyakutali chomene vya charu chapasi.’—Milimo 1:8.

Mu 1943, Ŵakaboni ŵa Yehova ŵakajura sukulu yakusambizga ŵamishonale. Ŵakaboni ŵa Yehova ŵakujumpha 8,000, ŵali kusambirako ku sukulu iyi. Yikuchemeka, Sukulu Yakusambizga Baibolo ya Giliyadi.