A7-A

Ivyo Yesu Wakachita Apo Wakaŵa pa Charu Chapasi—Ivyo Vikachitika Pambere Yesu Wandambe Uteŵeti Wake

Madododo

Mabuku Ghanayi gha Makani Ghawemi Ghalembeka mu Ndondomeko Yake

Matchati na mapu agho ghakulondezgapo vikulongora malo agho Yesu wakendako na kupharazgako. Tumivi uto tuli pa mapu tukulongora malo gheneko yayi kweni tukulongora waka malati. Chimanyikwiro ichi “c.” chikung’anamura “cha mu,” panji “cha m’ma.”

Ivyo Vikachitika Pambere Yesu Wandambe Uteŵeti

NYENGO	MALO	CHAKUCHITIKA	MATEYU	MARIKO	LUKA	YOHANE
3 B.C.E.	Yerusalemu, tempile	Mungelo Gabriyeli wakuphalira Zekariya vya kubabika kwa Yohane Mubatizi			1:5-25
c. 2 B.C.E.	Nazarete; Yudeya	Mungelo Gabriyeli wakuphalira Mariya vya kubabika kwa Yesu; Mariya waluta kwa mubali wake Elizabeti			1:26-56
2 B.C.E.	Mu mapiri gha Yudeya	Yohane Mubatizi wababika na kupika zina; Zekariya wakuchima; Yohane wazamukhala mu mapopa			1:57-80
2 B.C.E., c. Okt. 1	Betelehemu	Yesu wababika; “Mazgu wakazgoka thupi”	1:1-25		2:1-7	1:1-5, 9-14
	Kufupi na Betelehemu; Betelehemu	Mungelo wiza na uthenga uwemi ku ŵaliska; ŵangelo ŵakulumba Chiuta; ŵaliska ŵiza kwa bonda			2:8-20
	Betelehemu; Yerusalemu	Yesu wakotoleka (zuŵa la 8); ŵapapi ŵiza nayo ku tempile (pamanyuma pa zuŵa la 40)			2:21-38
1 B.C.E. panji 1 C.E.	Yerusalemu; Betelehemu; Eguputo; Nazarete	Ŵamanyi nyenyezi ŵafika; mbumba ya Yosefe yachimbilira ku Eguputo; Herode wakoma ŵasepuka; mbumba yawerako ku Eguputo ndipo yakhazikika mu Nazarete 2:1-23	2:1-23		2:39, 40
12 C.E., Paska	Yerusalemu	Yesu wali na vyaka 12 wali pa tempile wakufumba ŵasambizgi			2:41-50
	Nazarete	Wawelera ku Nazarete; wakulutilira kupulikira ŵapapi; wasambira ukalipentara; Mariya waliso na ŵana ŵanyake ŵanalume ŵanayi, kweniso ŵanakazi (Mt 13:55, 56; Mrk 6:3)			2:51, 52
29, chifuku	Mapopa, Mlonga wa Yorodani	Yohane Mubatizi wakwamba uteŵeti wake	3:1-12	1:1-8	3:1-18	1:6-8, 15-28

Mapu ghakulongora uko Yesu wakachitiranga uteŵeti wake: Betelehemu, Nazarete, Yerusalemu