Kasi Kusintha ni Vichi?
Mazgu ghakuti “kusintha” ghangang’anamura kuti chinthu chafuma ku chinyake kuya ku chinyake. Kweniso mazgu agha ghangang’anamuraso vinandi. Mwachiyelezgero, ŵanthu ŵanyake ŵakugwiliskira ntchito mazgu agha pakulongosora kuti vinthu vinyake vyambura umoyo vikasintha na kuŵa vyamoyo. Ŵanyakeso ŵakugwiliskira ntchito mazgu agha pakulongosora umo vyamoyo vinyake kweniso vyakumera vikuchitira kuti vizgoŵere malo ghanyake. Ndipouli, mazgu ghakuti kusintha ghakugwira chomene ntchito pakulongosora chisambizgo chakuti vyamoyo vikachita kusintha kufuma ku vinthu vyambura umoyo, na kuŵa vinthu vyamoyo. Ndipo chimoza mwa vinthu vyamahara chomene ivyo vikasintha ni munthu. Fundo yakuti munthu wakachita kusintha kufuma ku vinthu vinyake, “kusintha” uku ndiko tikuyowoya mu nkhani iyi.