NKHANI YA PA CHIKOPI | KASI MUNGACHITA WULI PARA VINTHU VYASUZGA?

Ntchivichi Chingamovwirani Kuti Mukhazikike Mtima?

MAZUŴA ghano palije munthu uyo vinthu vyose vikumwendera makora. Kweni kuti munthu waleke kudandawura chomene chisisi chagona pa kuzomerezga ivyo vyamuwira na kuchita vinthu vyekha ivyo wangakwaniska. Usange mungakwaniska kuchitako vinthu vinyake nangauli muli mu suzgo, mbwenu vili makora. Ndipo chingaŵa makora chomene usange paumaliro suzgo linu lingapepukako. Kweni viwemi chomene vili munthazi.

Baibolo likuti kunthazi ŵanthu wose ŵazamukondwa na umoyo. Ŵazamuchita vyose ivyo ŵakhumba, kuzamuŵavya vyakutimbanizga, masuzgo gha zuŵa na zuŵa, kweniso kughanaghana viheni. (Yesaya 65:21, 22) Baibolo likuti uwu ndiwo ni “umoyo wanadi.”—1 Timote 6:19.

‘Ŵanthu ŵane ŵazamuzenga nyumba na kukhalamo; ŵazamupanda mpheska na kurya vipasi. Ŵazamuzenga kuti munyake ndiyo wakhalengemo chara; nanga nkhupanda ŵanyake na kurya chara; chifukwa nga ni mazuŵa gha khuni ndimo ghazamuŵira mazuŵa ghawo, ndipo ŵakusoleka ŵane ŵazamusekelera nyengo zose na milimo ya mawoko ghawo.’—Yesaya 65:21, 22.