Kasi Mukusuzgika Maghanoghano?

Jilla wakati: “Munthu waliyose nyengo zinyake wangasuzgika maghanoghano, kweni ine nkhusuzgika chomene maghanoghano. Nkhusuzgika maghanoghano chifukwa cha suzgo limoza likuru yayi, kweni pali vinandi. Mwachiyelezgero, nkhupwelelera mfumu wane uyo kwa vyaka vinandi ni mulwari kweniso mutu ukukora viŵi yayi.”

Barry wakati: “Muwoli wane wakanichimbira ndipo nkhamba kulera nekha ŵana ŵaŵiri. Chikaŵa chakusuzga kulera nekha ŵana. Chinyake ntchakuti ntchito yikanimalira ndipo nkhaŵavya ndalama zakuti ninozgere galimoto. Mutu ukayima. Nkhamba kusuzgika chomene maghanoghano. Nkhamanyanga kuti ntchiheni kujikoma, ntheura nkhapempha Chiuta kuti wanizomerezge waka kuti nifwe.”