Mungasanga Vinjeru Ivyo Vingamovwirani Kuti Muŵe Ŵakukondwa
“Nangauli nkhuŵa na chitima para nkhuwona viheni ivyo vikuchitika mu charu nga ni nkhondo, ukavu, matenda kweniso kuchitira nkhaza ŵana, kweni sono nili na chigomezgo kuti kunthazi vinthu vizamuŵa makora.”—RANI.a
Rani wakamba kukondwa zanadi wati wamanya kuti Mlengi withu uyo ni Chiuta Wankhongonozose wangatipa vinjeru vyanadi. Apo mukuŵerenga nkhani zakulondezgapo izi, wonani umo ivyo Chiuta wakusambizga vingamovwilirani kuti . . .
mukondwenge mu banja linu
mukhalenge mwamtende na ŵanyinu
mukhorwenge na ivyo muli navyo
mumanye chifukwa icho tikusuzgikira na kufwa
muŵe na chigomezgo kuti sonosono apa vinthu viŵengeso makora
mumumanye makora Mlengi withu na kuŵa nayo paubwezi
Muwonengeso kuti Mlengi withu wakupeleka vinjeru mwawanangwa kwa waliyose uyo wakuvipenja. Wakuchita kusankha yayi.
a Mazina mu magazini iyi ghasinthika.