LAYIBULARE YA PA INTANETI ya Watchtower
Watchtower
LAYIBULARE YA PA INTANETI
Chitumbuka
  • BAIBOLO
  • MABUKU
  • MAUNGANO
  • my cipaturo 37
  • Chihema Chakusoperamo

Vidiyo palije.

Phepani, pali suzgo linyake.

  • Chihema Chakusoperamo
  • Buku Lane la Nkhani za mu Baibolo
  • Nkhani Zakuyanako na Iyi
  • Chihema Chakusoperapo
    Ivyo Mungasambira mu Baibolo
  • Mafumbo Ghakufumira ku Ŵaŵazgi
    Gongwe la Mulinda Likupharazga Ufumu wa Yehova
  • Ivyo vili mu Buku la Ekisodo
    Malemba Ghakupatulika mu Mang’anamuliro gha Charu Chiphya
  • Yehova Wakumuchemani Kuti Muŵe Mulendo Wake
    Gongwe la Mulinda Likupharazga Ufumu wa Yehova (Lakusambira)—2024
Buku Lane la Nkhani za mu Baibolo
my cipaturo 37
Chihema icho Ŵaisrayeli wakasoperangamo

CIPATURO 37

Cihema Cakusopelamo

KASI ukuyimanya nyumba iyi? Ici cikaŵa cihema capadera cakusopelamo Yehova. Cikacemekangaso cihema cakukumanamo. Ŵanthu ŵakamara kuzenga cihema ici pakati pajumpha cilimika cimoza ŵati ŵafuma mu Egupto. Kasi ukumumanya uyo wakaŵatuma kuti ŵazenge cihema?

Wakaŵa Yehova. Yehova wakaphalira Mozesi apo wakaŵa pacanya pa Phiri la Sinayi umo wakeneranga kuzengera cihema. Wakati cizengeke mwakuti cingayegheka mu vigaŵavigaŵa. Mu nthowa iyi vigaŵa vya cihema vikaŵa vyakuti vingayegheka kuluta navyo pa malo ghanyake. Sono para Ŵaisrayeli ŵakasamukiranga pa malo ghanyake mu mapopa, ŵakayeghanga cihema.

Usange ungawona mukati mu cipinda cicoko ico cili kuumaliro kwa cihema, ungawona bokosi. Bokosi ili likucemeka likasa la phangano. Likaŵa na ŵangelo ŵaŵiri panji ŵakerubi ŵa golide, yumoza uku munyake uku. Ciuta wakalembaso Malango ghanyake 10 pa malibwe ghaŵiri ghakupapatala, cifukwa Mozesi wakaswa malibwe ghakwamba. Malibwe agha ghakasungikanga mu likasa la phangano. Ndiposo, ciŵiya cakuzura na mana cikasungikangaso mwenemumo. Kasi mana ukughakumbuka?

Yehova wakasankha Aroni, mukuru wa Mozesi, kuŵa musofi mukuru. Wakalongozganga ŵanthu pakusopa Yehova. Ŵana ŵake nawoso ŵakaŵa ŵasofi.

Beseni la maji na jotchero

Wona cipinda cikuru ca cihema. Nchikuru kuluska kaŵiri cipinda cicoko. Kasi ukuliwona bokosi ilo mukati mwake mukufuma josi? Ili ni jochero apo ŵasofi ŵakawochelangapo sembe ya vyakununkhira. Muliso cakuŵikapo nyali ico cili na nyali zinkhondi na ziŵiri. Cinthu cacitatu ico cili mu cipinda ici ni thebulo. Pa thebulo ili ŵakasungangapo vingwa 12.

Pa luŵaza lwa cihema pali ciŵiya, panji beseni likuru, lakuzura na maji. Nchito yake yikaŵa yakuti ŵasofi ŵagezelengemo mu mawoko na malundi. Paliso jochero likuru. Pa jochero ili ŵakawochelangapo sembe za nyama izo zikapelekekanga kwa Yehova. Cihema cikaŵanga mukati mu msasa, ndipo Ŵaisrayeli ŵakakhalanga mu mahema mwakuzingilizga cihema cakusopelamo.

Ekisodo 25:​8-40; 26:​1-37; 27:​1-8; 28:1; 30:​1-10, 17-21; 34:​1, 2; Ŵahebere 9:​1-5.

Mafumbo Ghakusambilira

    Mabuku gha Chitumbuka (1982-2023)
    Fumani
    Njirani
    • Chitumbuka
    • Tumizgani
    • Ivyo Mukukhumba
    • Copyright © 2025 Watch Tower Bible and Tract Society of Pennsylvania
    • Malango
    • Phangano
    • Privacy Settings
    • JW.ORG
    • Njirani
    Tumizgani