Vilengiwa Vyauzimu Vyambura Mapendeko
Baibolo likutiphalira kuti pali ŵantu ŵanandi awo ŵali na thupi lauzimu. Yehova nayo wali na thupi lauzimu.—Yohane 4:24; 2 Ŵakorinte 3:17, 18.
Panyengo yinyake, Yehova wakaŵa yekha na yekha kucanya. Pamanyuma pake wakamba kulenga ŵantu ŵauzimu awo ŵakucemeka ŵangelo. Iwo mbankongono ndiposo mbavinjeru comene kuruska ŵantu. Yehova wakalenga ŵangelo ŵanandi; muteŵeti wa Ciuta Daniel, mu mboniwoni wakawona vikwi-vikwi vya ŵangelo.—Daniel 7:10; Ŵahebere 1:7.
Yehova wakadanka kulenga ŵangelo pambere wakaŵa wandalenge caru. (Job 38:4-7) Palije nanga njumoza wa iwo uyo wakakhala na umoyo na kufwa pacaru capasi.
[Cithuzithuzi pa peji 7]
Mzimu ukuru, Yehova, wakalenga ŵantu ŵauzimu ŵambura mapendeko