Kasi Ŵarwani ŵa Ciuta Mbanjani?

Murwani mukuru wa Ciuta ni Satana Diabolosi. Iye ncilengiwa cakumzimu ceneico cikagarukira Yehova. Satana wacali kulutirizga kwimikana na Ciuta ndipo wakucitiska masuzgo ghanandi ku ŵantu. Satana ni muheni comene. Iye ni mutesi ndiposo ngwa mbanda.—Yohane 8:44.

Vilengiwa vinyake vyakumzimu vikakolerana nayo Satana kugarukira Ciuta. Baibolo likuvicema ivyo viŵanda. Nga ndi Satana, viŵanda navyoso ni ŵarwani ŵa ŵantu. Ivyo vikutemwa kupweteka ŵantu. (Mateyu 9:32, 33; 12:22) Yehova wazamuparanya Satana na viŵanda vyake kwamuyirayira. Kwaŵakhalira nyengo yicoko waka yakuti ŵasuzgire ŵantu.—Civumbuzi 12:12.

Usange mukukhumba kuŵa bwezi la Ciuta, mukwenera cara kucita ivyo Satana wakukhumba kuti mucite. Satana na viŵanda ŵakutinka Yehova. Iwo mbarwani ŵa Ciuta, ndipo ŵakukhumba kumuzgorani imwe namwe kuti muŵeso murwani wa Ciuta. Mukwenera kusanka uyo mukukhumba kumukondweska—Satana panji Yehova. Usange mukukhumba umoyo wamuyirayira, cakusanka cinu cikwenera kuŵa ca kucita khumbo la Ciuta. Satana wali na mauryarya ghanandi na ntowa zakupuruskira ŵantu. Ŵantu ŵanandi ŵakupusikika na iye.—Civumbuzi 12:9.