SAMBIRO 14

Mabwezi gha Ciuta Ghakutceŵa Vintu Viheni

Satana wakuyezga ŵantu kuti ŵacite vintu viheni. Muntu uyo wakukhumba kuŵa bwezi la Ciuta wakwenera kutinka ivyo Yehova wakutinka. (Salmo 97:10) Pano pali vintu vinyake ivyo mabwezi gha Ciuta ghakwenera kutceŵa:

Yehova wakutinka uzaghali, uloŵevu, kufumya ntumbo, kwiba, utesi, ukali wambura kujikora na kutcova njuga

Uzaghali. “Ungaleŵanga” (Exodus 20:14) Kugonana pambere mundatorane nakoso nkwananga.—1 Ŵakorinte 6:18.

Uroŵevu. ‘Ŵaroŵevu . . . kuti ŵamkuharira Ufumu wa Ciuta cara.’—1 Ŵakorinte 6:10.

Ucikozi, Kufumya ntumbo. “Ungakomanga.”—Exodus 20:13.

Kwiba. “Ungibanga.”—Exodus 20:15.

Utesi. Yehova wakutinka “lulimi lwa utesi.”—Zintharika 6:17.

Nkaza na Ukali Wambura Kujikora. ‘[Yehova] wakutinka uyo wakutemwa nkaza.’ (Salmo 11:5) ‘Milimo ya thupi [yikusazgapo] . . . maukali.’—Ŵagalatiya 5:19, 20.

Kutcova Njuga. ‘Rekani kwendezgana na . . . uyo . . . ngwakudokera.’—1 Ŵakorinte 5:11.

Thinko la Mtundu na Fuko. “Temwani ŵalwani ŵinu, ndipo muŵarombere aŵo ŵakumuzikizgani.”—Mateyu 5:43, 44.

Ciuta wakutiphalira vintu kuti ise taŵene tisange candulo. Kutceŵa kucita vintu viheni kuti nkupusu cara nyengo zose. Kweni na covwiro ca Yehova ndiposo na ca Ŵakaboni ŵake, mungatceŵa kucita vintu ivyo Ciuta wakutinka.—Yesaya 48:17; Ŵafilipi 4:13; Ŵahebere 10:24, 25.