MUTU 9

Kasi Paradiso Wizenge Pawuli?

Masuzgo agho ghazara mu charu ghakulongora kuti Ufumu wa Chiuta uchitengepo kanthu sonosono. Luka 21:10, 11; 2 Timote 3:1-5

Masuzgo gha mu mazuŵa ghaumaliro—njuga, nkhondo, matenda, njara, kuleka kupulikira ŵapapi, na nkhaza

Baibolo likayowoyerathu vinthu vinandi ivyo vikuchitika mazuŵa ghano. Likati ŵanthu ŵazamuŵa ŵakutemwa ndalama, ŵambura kupulikira ŵapapi, ŵakofya, na ŵakutemwa vyakusanguluska.

Likayowoya kuti kuzamuŵa vindindindi vikuru, nkhondo, njara, na nthenda zakwambukira. Vinthu ivi vikuchitika nadi.

Kaboni wa Yehova wakupharazga makani ghawemi gha Ufumu wa Chiuta kwa munthu

Kweniso Yesu wakati makani ghawemi agha gha Ufumu, ghazamupharazgika mu charu chose.—Mateyu 24:14.

Ufumu wa Chiuta uzamuwuskapo uheni wose. 2 Petrosi 3:13

Ŵaheni ŵakuparanyika pa Aramagedoni, kufuma apo Satana na viŵanda vyake ŵakulangika

Sonosono apa, Yehova waparanyenge ŵaheni wose.

Satana na viŵanda vyake ŵazamulangika.

Yesu wakhala pa chitengo chake kuchanya ndipo ŵanthu ŵa mitundu yakupambanapambana ŵakusekelera

Awo ŵakupulikira Chiuta ŵazamupona na kunjira mu charu chiphya chaurunji, ndipo ŵazamopaso kanthu chara. Ŵazamukhala mu charu icho ŵanthu ŵazamuŵa ŵakugomezgana na ŵakutemwana.