LAYIBULARE YA PA INTANETI ya Watchtower
Watchtower
LAYIBULARE YA PA INTANETI
Chitumbuka
  • BAIBOLO
  • MABUKU
  • MAUNGANO
  • lfb sambiro 13 p. 36-p. 37 ndime 1
  • Yakhobe na Esau Ŵakaŵaso Pamtende

Vidiyo palije.

Phepani, pali suzgo linyake.

  • Yakhobe na Esau Ŵakaŵaso Pamtende
  • Ivyo Mungasambira mu Baibolo
  • Nkhani Zakuyanako na Iyi
  • Ŵana Ŵamuleza Awo Ŵakaŵa Ŵakupambana
    Buku Lane la Nkhani za mu Baibolo
  • Yakhobe Wakapokera Chiharo
    Ivyo Mungasambira mu Baibolo
  • Ivyo vili mu Buku la Genizesi
    Malemba Ghakupatulika mu Mang’anamuliro gha Charu Chiphya
  • Yehova Ni “Ciuta Uyo Wakupeleka Mtende”
    Gongwe la Mulinda Likupharazga Ufumu wa Yehova—2011
Wonani Vinyake
Ivyo Mungasambira mu Baibolo
lfb sambiro 13 p. 36-p. 37 ndime 1
Yakhobe wakusindama ndipo Esau wakuchimbilira kwa iyo

SAMBIRO 13

Yakhobe na Esau Ŵakaŵaso Pamtende

Yehova wakalayizga Yakhobe kuti wamuvikilirenge nga umo wakavikililira Abrahamu na Yisake. Yakhobe wakakhala pa malo ghakuchemeka Harani. Pa malo agha, wakatora mwanakazi na kubaba ŵana ŵanandi. Kweniso wakaŵa musambazi chomene.

Nyengo yikati yajumphapo, Yehova wakaphalira Yakhobe kuti: ‘Welera ku charu chako.’ Yakhobe na banja lake ŵakamba ulendo utali wa kuwelera kukwawo. Apo ŵakaŵa mu nthowa, ŵanthu ŵanyake ŵakiza kwa Yakhobe na kumuphalira kuti: ‘Mukuru wako Esau wakwiza, ndipo wali na ŵanalume 400!’ Yakhobe wakawopa chomene. Wakaghanaghananga kuti Esau wazamupweteka iyo na banja lake. Wakapemphera kwa Yehova kuti: ‘Niponoskani kwa mukuru wane.’ Namachero ghake, Yakhobe wakatumira Esau chawanangwa. Wakamutumira mberere zinandi, mbuzi, ng’ombe, ngamila, na mbunda.

Mu usiku wa zuŵa ili, apo Yakhobe wakaŵa yekha, wakawona mungelo. Ndipo ŵakayamba kujunthana. Ŵakajunthana m’paka mulenji. Nangauli Yakhobe wakapwetekeka, kweni wakathera yayi. Mungelo wakati kwa iyo: ‘Nileka nilutenge.’ Kweni Yakhobe wakati: ‘Nimulekaninge yayi m’paka munitumbike dankha.’

Paumaliro mungelo wakamutumbika Yakhobe. Sono Yakhobe wakamanya kuti Yehova wazomerezgenge yayi kuti Esau wamupweteke.

Mulenji wenewuwu, Yakhobe wakalaŵiska patali ndipo wakawona Esau wakwiza pamoza na ŵanalume 400. Yakhobe wakaleka banja lake kumasinda, wakadangira panthazi na kugwada kankhondi na kaŵiri panthazi pa mukuru wake. Esau wakachimbilira Yakhobe na kumuvumbatira. Wose ŵakayamba kulira, ndipo ŵakaŵaso pamtende. Kasi ukughanaghana kuti Yehova wakakondwa na umo Yakhobe wakachitira vinthu?

Pamanyuma, Esau wakawelera ku nyumba yake ndipo Yakhobe nayo wakawelera kwake. Yakhobe wakaŵa na ŵana ŵanalume 12. Mazina ghawo ni agha: Rubeni, Simiyoni, Levi, Yuda, Dani, Nafutali, Gadi, Asheri, Isakara, Zebuloni, Yosefe, na Benjamini. Mwana yumoza wa Yakhobe, Yosefe, Yehova wakamugwiliskira ntchito kuti waponoske ŵanthu ŵake. Kasi ukumanya umo vikendera? Tiye tiwone.

“Lutilirani kutemwa ŵalwani ŵinu na kulombera awo ŵakumutambuzgani, mwakuti mulongore kuti ndimwe ŵana ŵa Awiskemwe ŵakuchanya.”​—Mateyu 5:​44, 45

Mafumbo: Chifukwa wuli Yakhobe wakatumbikika? Kasi wakachita wuli kuti waŵeso pamtende na mukuru wake?

Genizesi 28:​13-15; 31:​3, 17, 18; 32:​1-29; 33:​1-18; 35:​23-26

    Mabuku gha Chitumbuka (1982-2023)
    Fumani
    Njirani
    • Chitumbuka
    • Tumizgani
    • Ivyo Mukukhumba
    • Copyright © 2025 Watch Tower Bible and Tract Society of Pennsylvania
    • Malango
    • Phangano
    • Privacy Settings
    • JW.ORG
    • Njirani
    Tumizgani