LAYIBULARE YA PA INTANETI ya Watchtower
Watchtower
LAYIBULARE YA PA INTANETI
Chitumbuka
  • BAIBOLO
  • MABUKU
  • MAUNGANO
  • lfb sambiro 24 p. 62-p. 63 ndime 2
  • Ŵakachita Yayi Ivyo Ŵakalayizga Yehova

Vidiyo palije.

Phepani, pali suzgo linyake.

  • Ŵakachita Yayi Ivyo Ŵakalayizga Yehova
  • Ivyo Mungasambira mu Baibolo
  • Nkhani Zakuyanako na Iyi
  • Tholi la Golide
    Buku Lane la Nkhani za mu Baibolo
  • Mafumbo Ghakufumira ku Ŵaŵazgi
    Gongwe la Mulinda Likupharazga Ufumu wa Yehova—2010
  • Manyani Nthowa za Yehova
    Gongwe la Mulinda Likupharazga Ufumu wa Yehova—2005
  • Chivwati Icho Chikabukanga Moto
    Ivyo Mungasambira mu Baibolo
Wonani Vinyake
Ivyo Mungasambira mu Baibolo
lfb sambiro 24 p. 62-p. 63 ndime 2
Ŵaisrayeli ŵakwimba na kuvina, uku ŵakuzingilira kang’ombe kagolide

SAMBIRO 24

Ŵakachita Yayi Ivyo Ŵakalayizga Yehova

Yehova wakaphalira Mozesi kuti: ‘Kwelera kwa ine kuno ku phiri. Nilembenge malango ghane pa malibwe na kukupa.’ Mozesi wakakwera ku phiri ndipo wakakhalako mazuŵa 40, muhanya na usiku. Apo Mozesi wakaŵa ku phiri, Yehova wakalemba Malango 10 pa malibwe ghaŵiri na kumupa.

Mozesi waponya pasi malibwe

Mazuŵa ghakati ghajumphapo, Ŵaisrayeli ŵakaghanaghana kuti Mozesi waŵaleka. Iwo ŵakaphalira Aroni kuti: ‘Tikukhumba munthu munyake kuti watilongozgenge. Tipangira chiuta.’ Aroni wakati: ‘Nipani golide linu.’ Wakasungunura golide na kupangira kang’ombe. Ŵanthu ŵakamba kuyowoya kuti: ‘Kang’ombe aka ni Chiuta withu uyo wakatifumiska mu Eguputo.’ Ŵakayamba kusopa kang’ombe kagolide aka ndipo ŵakachita phwando. Kasi ŵakachita makora? Yayi, chifukwa ŵakalayizga Yehova kuti ŵasopenge iyo pera. Kweni ŵakachita yayi ivyo ŵakamulayizga.

Yehova wakawonanga ivyo iwo ŵakachitanga, ndipo wakaphalira Mozesi kuti: ‘Khira, welera ku ŵanthu. Ŵanthu ŵakunipulikira yayi, ŵakusopa chikozgo.’ Mozesi wakakhira phiri, uku wayegha malibwe ghaŵiri agho Yehova wakalembapo malango.

Mozesi wakati wafika pafupi na misasa, wakapulika ŵanthu ŵakwimba. Ndipo wakawona ŵakuvina na kugwadira kang’ombe. Mozesi wakakwiya chomene. Wakaponya pasi malibwe ghaŵiri ghara ndipo ghakasweka. Wakatora kang’ombe kara na kotcha. Pamanyuma, wakafumba Aroni kuti: ‘Kasi ŵanthu aŵa ŵakachita nawe vichi kuti uchite chinthu chiheni nthena?’ Aroni wakazgora kuti: ‘Kukalipa yayi. Mukumanya makora umo ŵanthu aŵa ŵaliri. Ŵakakhumbanga chiuta, ntheura nkhaponya golide pa moto ndipo pakafuma kang’ombe aka.’ Aroni wakananga kupulikira ŵanthu. Mozesi wakalutaso ku phiri kuti wakaŵeyelere Yehova kuti wagowokere ŵanthu.

Yehova wakaŵagowokera awo ŵakakhumbanga kumupulikira. Kasi wawona kuti chikaŵa chakuzirwa kuti Ŵaisrayeli ŵapulikirenge ivyo Mozesi wakaŵaphaliranga?

“Para wachita chilapo kwa Chiuta, ungaziwulikanga chara kuchifiska, pakuti wakukondwa nawo chara ŵazeleza. Ufiskenge ivyo walapa.”​—Mupharazgi 5:4

Mafumbo: Kasi Ŵaisrayeli ŵakachita vichi apo Mozesi wakaŵa ku phiri? Kasi Mozesi wakachita vichi wati wawerako ku phiri?

Ekisodo 24:​12-18; 32:​1-30

    Mabuku gha Chitumbuka (1982-2023)
    Fumani
    Njirani
    • Chitumbuka
    • Tumizgani
    • Ivyo Mukukhumba
    • Copyright © 2025 Watch Tower Bible and Tract Society of Pennsylvania
    • Malango
    • Phangano
    • Privacy Settings
    • JW.ORG
    • Njirani
    Tumizgani