LAYIBULARE YA PA INTANETI ya Watchtower
Watchtower
LAYIBULARE YA PA INTANETI
Chitumbuka
  • BAIBOLO
  • MABUKU
  • MAUNGANO
  • lfb sambiro 43 p. 104-p. 105 ndime 3
  • Ivyo Davide Wakananga

Vidiyo palije.

Phepani, pali suzgo linyake.

  • Ivyo Davide Wakananga
  • Ivyo Mungasambira mu Baibolo
  • Nkhani Zakuyanako na Iyi
  • Suzgo mu Nyumba ya Davide
    Buku Lane la Nkhani za mu Baibolo
  • Gomezgani Mzimu wa Ciuta Peneapo Umoyo Ukusintha
    Gongwe la Mulinda Likupharazga Ufumu wa Yehova—2004
  • Natani Wakakhozgera Kusopa Kutuŵa Mwakugomezgeka
    Gongwe la Mulinda Likupharazga Ufumu wa Yehova—2012
  • “Ndisambizgani Kucita Khumbo Linu”
    Gongwe la Mulinda Likupharazga Ufumu wa Yehova—2012
Ivyo Mungasambira mu Baibolo
lfb sambiro 43 p. 104-p. 105 ndime 3
Natani ntchimi wakususka Fumu Davide

SAMBIRO 43

Ivyo Davide Wakananga

Sauli wati wafwa, Davide ndiyo wakaŵa fumu. Pa nyengo iyi, Davide wakaŵa na vyaka 30. Wati waŵa fumu vyaka vinandi, dazi linyake apo wakendanga pachanya pa nyumba yake, wakawona mwanakazi wakutowa chomene. Davide wati wafufuza za mwanakazi yura, wakaphalirika kuti zina lake wakaŵa Batisheba, muwoli wa Uriya uyo wakaŵa msilikari. Davide wakachemeska Batisheba kuti wize ku nyumba yake. Wakagona nayo, ndipo wakasangika na nthumbo. Davide wakabisa ivyo wakachita. Wakaphalira Yowabu uyo wakalaŵiliranga ŵasilikari ku nkhondo kuti waŵike Uriya panthazi apo nkhondo yikafika pakusuzga chomene, na kumuleka yekha kuti watimbike na kufwa. Uriya wati wakomeka ku nkhondo, Davide wakatora Batisheba kuŵa muwoli wake.

Fumu Davide yikupempha Chiuta kuti wayigowokere

Yehova wakawona viheni vyose ivyo Davide wakachita. Kasi Yehova wakachitapo vichi? Yehova wakatuma ntchimi Natani kwa Davide. Natani wakati kwa Davide: ‘Munthu munyake musambazi wakaŵa na mberere zinandi, ndipo pakaŵaso munthu munyake mukavu uyo wakaŵa na kamberere kanakazi kamoza ako wakakatemwanga chomene. Kweni munthu musambazi yura wakatora kamberere kanakazi ka munthu mukavu.’ Davide wakakwiya wakati wapulika ivyo Natani wakayowoya, ndipo wakati: ‘Munthu musambazi yura wakeneranga kufwa!’ Natani wakaphalira Davide kuti: ‘Munthu musambazi uyu ndiwe!’ Davide wakakhwaskika chomene, ndipo wakazomera kwananga kwake, wakati: ‘Nanangira Yehova.’ Ivyo Davide wakachita vikapangiska kuti iyo na banja lake ŵasangane na masuzgo ghanandi. Yehova wakamulanga Davide, kweni wakamukoma yayi chifukwa wakachitanga vinthu mwaunenesko kweniso wakaŵa wakujiyuyura.

Davide wakakhumbanga kuzengera Yehova tempile, kweni Yehova wakasankha mwana wake Solomoni kuti ndiyo wazakazenge. Davide wakamba kunozga vinthu vyakuzakazengera tempile na kuyowoya kuti: ‘Tempile la Yehova likwenera kuŵa likuru na lakutowa. Solomoni wachali mwana, kweni nimovwirenge kunozga vinthu vyakuzakazengera.’ Davide wakapeleka ndalama zake kuti zizakawovwire pakuzenga tempile. Wakasangirathu ŵakuzenga ŵaluso. Wakawunjika golide na siliva, ndipo wakachemeska mathabwa gha sidara kufuma ku Ture na Sidoni. Apo wakaŵa pafupi kufwa, Davide wakapa Solomoni pulani ya umo wangazakazengera tempile. Wakamuphalira kuti: ‘Yehova wanituma kuti nilembe vinthu ivi kuti nikupe. Yehova wakovwirenge. Kopa yayi. Uŵe wachikanga ndipo nozgeka kugwira ntchito iyi.’

Davide wakudumbiskana na Solomoni vya pulani ya tempile

“Uyo wakubisa maubudi ghake vinthu vimwenderenge yayi, kweni uyo wakughazomera na kughaleka walongorekenge lusungu.”​—Zintharika 28:13

Mafumbo: Kasi Davide wakachita kwananga wuli? Kasi Davide wakachita vichi kuti wawovwire mwana wake Solomoni?

2 Samuyeli 5:​3, 4, 10; 7:​1-16; 8:​1-14; 11:1–12:14; 1 Midauko 22:1-19; 28:​11-21; Salimo 51:​1-19

    Mabuku gha Chitumbuka (1982-2023)
    Fumani
    Njirani
    • Chitumbuka
    • Tumizgani
    • Ivyo Mukukhumba
    • Copyright © 2025 Watch Tower Bible and Tract Society of Pennsylvania
    • Malango
    • Phangano
    • Privacy Settings
    • JW.ORG
    • Njirani
    Tumizgani