Mazgu Ghakwamba gha Chigaŵa 13

Yesu wakiza pa charu chapasi kuti wazakawombore ŵanthu ŵakwananga. Nangauli wakafwa, kweni wakatonda charu. Yehova wakaŵa wakugomezgeka kwa Mwana wake ndipo wakamuwuska. Kufuma waka pakwamba m’paka apo wakafwira, Yesu wakateŵeteranga ŵanthu ndipo wakaŵagowokeranga para ŵabuda. Wakati wawuskika, Yesu wakawonekera ku ŵasambiri ŵake. Wakaŵasambizga umo ŵangachitira mulimo wakuzirwa uwo wakaŵapa. Usange ndimwe mupapi, wovwirani mwana winu kuwona kuti nayo wangachitako ntchito ya kupharazga.