SUMU 55
Kuŵawopa Chara!
1. Koleskani ŵanthu ŵane,
Pharazgani Ufumu.
M’leke kopa ŵalwani.
Ŵakuzika ŵamanye
Kuti themba, Khristu Yesu,
Wapondomoska m’lwani,
Wakakenge Dyabulosi,
Na kufwatura wose.
(KORASI)
Ŵakutemweka, kopa cha!
Nanga ŵangamofyani.
Nimuvikiliraninge
Nga ni mboni ya jiso.
2. Nanga ŵalwani mbanandi,
Nanga ŵangamofyani,
Nanga ŵamunyengani,
Mwakuti mupuluke.
Kuwopa cha, ŵanthu ŵane,
Nanga ŵamusuzgani.
Nisungenge awo mbane,
M’paka nitonde m’lwani.
(KORASI)
Ŵakutemweka, kopa cha!
Nanga ŵangamofyani.
Nimuvikiliraninge
Nga ni mboni ya jiso.
3. Kopa chara, nili namwe;
Ndine chiskango chinu.
Nanga mufwe pa nkhondo,
Nyifwa nithereskenge.
M’ngopanga, ŵa’koma thupi,
Umo-yo ŵangakoma cha!
Muŵe ŵakugomezgeka;
Nimupaninge njombe!
(KORASI)
Ŵakutemweka, kopa cha!
Nanga ŵangamofyani.
Nimuvikiliraninge
Nga ni mboni ya jiso.
(Wonaniso Doto. 32:10; Neh. 4:14; Sal. 59:1; 83:2, 3.)