Cigaŵa Ca Ŵanyamata Na Ŵasungwana
Umo Ungatondera Ciyezgo
YOSEFE—CIGAŴA 1
Ulongozgi: Khala pa malo ghambura congo apo ukuŵazga na kuzgora mafumbo agha. Apo ukuŵazga malemba, uŵe nga uli lumoza na ŵanthu ŵa mu nkhani iyo ukuŵazga. Uŵe nga ukuwona ivyo vikucitika. Pulika mazgu. Jipulika nga umo ŵanthu ŵa mu nkhani iyo ukuŵazga ŵakajipulikiranga. Ivyo vikacitika mu nkhani iyo uviwone nga kuti vikucitika sono.
Ŵanthu ŵa mu nkhani iyi: Yosefe, muwoli wa Potifara.
Mwakudumura: Yosefe wakatonda ciyezgo ca kugonana na muwoli wa Potifara.
1 SANDA CAKUCITIKA—ŴAZGA GENESIS 39:1-12.
Longosora ukuru ndiposo kutowa kwa nyumba ya Potifara.
․․․․․
Kasi ukughanaghana kuti Yosefe wakawonekanga wuli? (Ico cingakovwira: Ŵazgaso vesi 6.)
․․․․․
Kasi ukughanaghana kuti Yosefe wakajipulika wuli apo wakayowoyanga na muwoli wa Potifara mu vesi 8 na 9?
․․․․․
2 LANGULUKAPO COMENE.
Nchivici cikatenge cipangiskenge Yosefe kuthera ciyezgo ici? (Ico cingakovwira: Ŵazga Ŵafilipi 2:12, ndipo ghanaghanira uko Yosefe wakaŵa. Mwaciyelezgero, pa nyengo iyi, kasi ŵa mu mbumba ya kwa Yosefe na ŵasopi ŵanyake ŵa Yehova ŵakaŵa nkhu?)
․․․․․
Kasi ukughanaghana kuti cifukwa wuli Yosefe wakawonanga kuti para wangacita uzaghali wanganangira Ciuta apo pa nyengo iyi, kukaŵavya dango lakukanizga uzaghali? (Ico cingakovwira: Ŵazga na kughanaghanirapo pa malemba agha: Genesis 2:24; 12:17, 18; Ŵaroma 2:14, 15; na Ŵahebere 5:14.)
․․․․․
3 LONDEZGA IVYO WASAMBIRA. LEMBA IVYO WASAMBIRA VYAKUKHWASKANA NA . . .
Kukolerana pakati pa kujikora na kujicindika.
․․․․․
Vyandulo ivyo ŵakusanga awo ŵakupulikira malango gha Ciuta.
․․․․․
Kukhumbikwa kwa kusambizga ‘nkhongono zako zakamanyiro.’ (Ŵahebere 5:14)
․․․․․
UMO UNGAGWILISKIRA NCHITO FUNDO IZI.
Ni vinthu wuli ivyo ukwenera kuŵa navyo maso kuti utonde ciyezgo ca kugonana? (Ico cingakovwira: Ŵazga na kughanaghanira pa Job 31:1; Salmo 119:37; Ŵaefeso 5:3, 4.)
․․․․․
4 NCHIGAŴA WULI CA NKHANI IYI ICO CAKUKHWASKA COMENE, NDIPO CIFUKWA WULI?
․․․․․
Usange Ulije Baibolo Pempha Ŵakaboni ŵa Yehova Panji Ŵazga pa Intaneti, pa Adiresi iyi: www.jw.org