MAFUMBO AGHO BAIBOLO LIKUZGORA

Kasi mungaŵawovwira wuli ŵana kuti ŵatemwenge Chiuta?

Mupapi wakusambizga mwana vya chilengiwa — Ŵana muŵalongorenge ivyo Chiuta wali kulenga kuti ŵamumanye na kumutemwa

Ŵana ŵinu ŵangamba kutemwa Chiuta usange ŵakugomezga kuti waliko kweniso kuti wakuŵatemwa. Kuti ŵambe kumutemwa, ŵakwenera kumumanya dankha. (1 Yohane 4:8) Ŵana ŵakwenera kumanya mazgoro gha mafumbo agha: Chifukwa wuli Chiuta wakalenga ŵanthu? Chifukwa wuli Chiuta wakuzomerezga masuzgo? Kasi Chiuta wazamuŵachitira vichi ŵanthu munthazi?—Ŵazgani Ŵafilipi 1:9.

Imwe ndimwe mwambe kutemwa Chiuta, ndipo ŵana nawo ŵambenge kumutemwa. Para ŵana ŵawona kuti imwe mukutemwa Chiuta, nawo ŵachitenge nga ndimwe.—Ŵazgani Duteronome 6:5-7; Zintharika 22:6.

Kasi mungachita wuli kuti muŵasambizge makora ŵana?

Mazgu gha Chiuta ngankhongono. (Ŵahebere 4:12) Ntheura ŵana ŵinu ŵasambizgani mazgu gha Chiuta. Kuti Yesu wasambizge makora, wakafumbanga mafumbo, wakategherezganga, kweniso wakalongosoranga makora Malemba. Namwe kuti musambizge makora ŵana ŵinu, mukwenera kuchita nga ni Yesu.—Ŵazgani Luka 24:15-19, 27, 32.

Mu Baibolo muli nkhani izo zikulongora umo Chiuta wakachitira na ŵanthu kumasinda. Nkhani izi zingawovwira ŵana kuti ŵamanye Chiuta na kumutemwa. Pa Webusayiti ya www.jw.org/tum, pali mabuku ghanandi agho ghalembekera ŵana.—Ŵazgani 2 Timote 3:16.

Kuti mumanye vinandi, wonani chipaturo 14 mu buku ili, lakupharazgika na Ŵakaboni ŵa Yehova

Likusangikaso pa www.jw.org/tum, panji pemphani buku linu laulere pa maadiresi agho ghali pa peji 2