Kasi Baibolo Likuti Wuli?

Kasi tikukhala nadi mu “mazuŵa ghaumaliro”?

Kasi mungati?

• Enya

• Yayi

• Panyake

Ivyo Baibolo likuyowoya

“Mu mazuŵa ghaumaliro kuzamuŵa nyengo zinonono na zakusuzga.” (2 Timote 3:1) Uchimi uwu ukulongosora ivyo vikuchitika sono, kulongora kuti tili mu “mazuŵa ghaumaliro.”

Ni vichi vinyake ivyo tikusambira mu Baibolo?

• Baibolo likayowoyerathu kuti mu mazuŵa ghaumaliro kuzamuŵa nkhondo, njara, vindindindi, na nthenda zakofya zakwambukira.—Mateyu 24:3, 7; Luka 21:11.

• Mu mazuŵa ghaumaliro agha, ŵanthu ŵanandi ŵakuchita viheni chomene ndipo vya Chiuta walije navyo ntchito.—2 Timote 3:2-5.

Kasi ntchivichi chichitikenge munthazi?

Ŵanyake ŵakugomezga kuti . . . mu mazuŵa ghaumaliro charu chapasi na ŵanthu wuwo vizamumara, apo ŵanji ŵakughanaghana kuti vinthu visinthenge. Imwe mukuti wuli?

Ivyo Baibolo likuyowoya

“Ŵarunji ŵazamuhara charu chapasi, ndipo ŵazamukhala mwenemumo muyirayira.”—Salimo 37:29.

Ni vichi vinyake ivyo tikusambira mu Baibolo?

• Ŵanthu ŵaheni ndiwo ŵazamuparanyika.—1 Yohane 2:17.

• Charu chapasi chizamuzgoka paradiso.—Yesaya 35:1, 6.