Kasi Baibolo Likuti Wuli?

Kasi pa charu chapasi pazamuŵanadi mtende?

Kasi mungati?

• Enya

• Yayi

• Panyake

Ivyo Baibolo likuyowoya

Para Yesu wazakamba kuwusa charu chapasi, “kuzamuŵa mtende wakuzara, m’paka mwezi umare,” kung’anamura mtende wambura kumara.—Salimo 72:7.

Ni vichi vinyake ivyo tikusambira mu Baibolo?

• Ŵaheni ŵazamudumulika, ndipo ŵawemi “ŵazamukondwa chomene na mtende ukuru.”—Salimo 37:10, 11.

• Chiuta wazamulekeska nkhondo pa charu chose chapasi.—Salimo 46:8, 9.

Kasi pasono ŵanthu ŵangaŵa na mtende wa mu maghanoghano?

Ŵanthu ŵanyake ŵakuti . . . vingachitika yayi kuti tiŵe na mtende wa mu maghanoghano chifukwa tili mu charu chiheni chakuzura na masuzgo. Kasi mukuti wuli?

Ivyo Baibolo likuyowoya

Nanga ni sono, ŵanthu awo ŵali paubwezi na Chiuta ŵangaŵa na “mtende wa Chiuta uwo ukuluska maghanoghano ghose.”—Ŵafilipi 4:6, 7.

Ni vichi vinyake ivyo tikusambira mu Baibolo?

• Chiuta wakulayizga kuti wazamumazga masuzgo na vinthu vyose vyambura urunji ‘nakupanga vinthu vyose kuŵa viphya.’—Chivumbuzi 21:4, 5.

• Tingaŵa na mtende wa mumtima para tikukhorweska ‘njara yithu yauzimu.’—Mateyu 5:3.