Bokosi la Fumbo

◼ Kasi tikwenera kulomba para tikusambira na munthu kakwamba?

Pakuŵa vyandulo vinandi para tikwamba kweniso kujara sambiro la Baibolo na lurombo. Mu lurombo, tikupempha Yehova kuti mzimu wake utuŵa uŵe nase pakudumbirana. (Luka 11:13) Kweniso lurombo lukovwira msambiri kuti wamanye kuzirwa kwa kusambira Baibolo, ndipo nayo wakusambira umo wangalombera. (Luka 6:40) Ntheura nchakuzirwa kwambapo luŵiro kulomba na msambiri. Ndipouli, umanyi ukukhumbikwa kuti mupharazgi wawone usange wangalomba para wakusambira na munthu kakwamba.

Cinthu cakuzirwa ico tikwenera kughanaghanira ni malo agho pacitikirenge sambiro. Usange ŵanthu ŵali pataliko, ndipo mukusambirapo kale na munthu mwakudumura, mungawona mwekha usange mungamba kweniso kujara na lurombo. Ndipouli, usange pali ŵanthu awo ŵakumuwonani, panji usange msambiri winu wangaŵa wakukakika, cingaŵa ciwemi kusanga dankha malo ghawemi. Palipose apo musambilirenge, umanyi ukukhumbikwa kuti muwone usange mungalomba panji yayi.—Wonani Uteŵeti Withu wa Ufumu wa Epulero 2005, peji 8.