Tundalama Tuŵiri Twakuzirwa Pacoko

Pali nthowa zinandi izo tikovwilira mulimo wakupharazga pa caru cose. Yimoza yake nkhupeleka ndalama. Kweni uli usange ndise ŵakavu?

Zuŵa linyake Yesu wakaluta ku tempele. Wakawona cokoro cikavu cikuponyamo tundalama tuŵiri twakuzirwa pacoko mu vyakuponyamo vyakupeleka. Cifukwa ca kutemwa Yehova, ‘mu kusoŵerwa kwake, cikaponyamo vyose ivyo cikaŵa navyo, vyose ivyo cikenera kulereka navyo.’ (Mrk. 12:41-44) Pakuti wakaphalira ŵasambiri ŵake nkhani iyi, ndikuti ivyo cikapeleka vikaŵa vyakuzirwa comene kwa Ciuta. Ŵakhristu ŵakwambilira nawo ŵakawonanga kuti kupeleka ni mulimo wa waliyose. Ukaŵa wa ŵasambazi pera yayi. Mpositole Paulosi wakazunurapo Ŵakhristu ŵa ku Makedoniya. Wakati nangauli “ŵakaŵa ŵakavu comene ŵakalutilira kutilomba na kuŵeyelera comene kuti ŵaŵe na mwaŵi wa kupeleka mwalusungu.”—2 Kor. 8:1-4.

Ntheura, nase tingapeleka ‘tundalama tuŵiri twakuzirwa pacoko.’ Tingaluwanga yayi kuti kamsonkho msonkho ndiyo wakuzuzga thumba! Para tikupeleka kufumira pasi pa mtima, tikukondweska Dada withu wakucanya, cifukwa, “Ciuta wakutemwa uyo wakupeleka mwakukondwa.”—2 Kor. 9:7.