Masacizgo

Umo Mungambiskira Masambiro gha Baibolo pa Cisulo Cakwamba mu Juni

Ŵazgani Yesaya 42:8. “Kuyana na ivyo taŵazga apa, Ciuta wali na zina. Kasi mukuwona kuti nchakuzirwa kuzunura zina la Ciuta? [Mulekani wazgore.] Wonani ivyo magazini iyi yikulongosora pa nkhani iyi.” Mupani Gongwe la Mulinda la Juni 1, na kudumbiskana kamutu kakwamba pa peji 16. Mulekerani magazini na kupangana kuti mukawereso kuzakazgora fumbo lakulondezgapo.

Gongwe la Mulinda Juni 1

“Nkhukhumba kumanya maghanoghano ghinu pa nkhani yakuzirwa iyi: [Julani pa peji 3 na kumulongora umo ŵanji ŵakuwonera Baibolo.] Pa fundo izi, ni nji iyo mukukolerana nayo? [Mulekani wazgore.] Tiyeni tiwone ivyo Baibolo likuyowoya. [Ŵazgani Ŵaroma 15:4.] Magazini iyi yikulongosora vifukwa vinkhondi ivyo Baibolo liliri lapadera na umo lingatovwilira.”

Galamukani! Juni

“Cilimika cilicose ŵanthu ŵanandi ŵakulwara cifukwa ŵakurya cakurya cambura kupwelelereka makora. Kasi mukuwona kuti mu cikaya cithu ŵanthu ŵakupwelelera wuli cakurya? [Mulekani wazgore.] Magazini iyi yikulongosora nthowa zinayi izo tingalondezga kuti tivikilire mbumba yithu ku matenda agho ghakwiza para tarya cakurya cambura kupwelereka makora. Yikulongosoraso ivyo Baibolo likulayizga kuti waliyose wazamuŵa na cakurya cinandi cambura tuvibungu twakwambiska matenda. Ŵazgani Salmo 104:14, 15.]