Tikugaŵana “Vinthu Viwemi” Para Tikupokelera Ŵalendo (Mat. 12:35a)

Tose tikwenera kugaŵirako ŵanyithu “vinthu viwemi.” Lekani tikuchiskika kuti ‘tipokelerenge ŵalendo.’ (Rom. 12:13) Ŵalara ndiwo ŵakwenera kuŵa pakwamba. Para ŵabali ŵiza kuzakadumba nkhani ku mpingo wawo ŵangaŵachemerako ku nyumba kwawo kuti ŵakarye chakurya panji kuŵapa thirasipoti. Kweni nyengo zinyake tingagongowa kupokelera ŵalendo chifukwa chakuti tili ŵakavu, panji chifukwa cha umo kunyumba kwithu kuliri. Ivyo Yesu wakaphalira Malita vingatovwira kuti tileke kugongowa kupokelera ŵalendo. (Luka 10:39-42) Yesu wakati chinthu chakuzirwa ntchakurya yayi, kweni kukhozga ubwezi withu na ŵanji. Kulondezga ulongozgi uwu kutovwirenge kuti tigaŵane “vinthu viwemi” na ŵabali ŵithu.—3 Yoh. 5-8.