Tiŵenge Ŵamwamphu Pakuchiskirana ku Milimo Yiwemi

Lemba la Ŵahebere 10:24 likuti ‘tighanaghaniranenge yumoza na munyake na kuchiskirana ku chitemwa na milimo yiwemi.’ Tingachiska ŵabali ŵithu na ivyo tikuchita kweniso kuyowoya. Tiphalirengeko ŵanyithu mu mpingo vinthu viwemi. Ŵawonenge chimwemwe icho tili nacho chifukwa cha kuteŵetera Yehova. Kweni tileke kujiyaniska na ŵanyithu. (Gal. 6:4) Viwemi ivyo tikuchita vikwenera kuchiska ŵanji kuti ŵatemwenge ŵanyawo na kuchita milimo yiwemi, m’malo mwa kuŵapangiska kujiwona nga mbakutondeka. (Wonani buku la Sukulu ya Uteŵeti, peji 158, ndime 4.) Usange tikuchiska ŵanyithu kuti ŵatemwenge ŵanji, mbwenu ŵachitenge milimo yiwemi, nga nkhugaŵirako ŵanyawo vinthu vyakuthupi na kupharazga.—2 Kor. 1:24.