Wovwirani Ŵanthu Kuti Ŵamanye Nkhongono ya Mazgu gha Chiuta mu Uteŵeti

Para munthu wazomera kuti timupharazgire, tikumovwira kuti wamanye nkhongono ya Mazgu gha Chiuta. Tikuchita nthena para tikumuŵazgira malemba mu Baibolo. Ndivyo tikasambira pa ungano wa dera chaka chamara. Mulaŵiliri wa dera wakayowoya nkhani ya mutu wakuti “Wovwirani Ŵanthu Kuti Ŵamanye Nkhongono ya Mazgu gha Chiuta mu Uteŵeti.” Kasi mukukumbukira fundo zikuru za mu nkhani iyi?

• Chifukwa wuli Mazgu gha Yehova ngankhongono chomene kuluska ivyo ise tingayowoya?—2 Tim. 3:16, 17.

• Chifukwa wuli Baibolo likuchontha mtima, kusintha maghanoghano na nkharo?—Wonani Gongwe la Mulinda la Juni 15, 2012, peji 27, ndime 7.

• Para tamuŵazgira lemba, kasi tingamovwira wuli munthu kumanya kuti ivyo taŵazga ni Mazgu gha Chiuta?—Wonani buku la Sukulu ya Uteŵeti, peji 148, ndime 3 m’paka 4 na Uteŵeti Withu wa Ufumu wa Malichi 2013, peji 6, ndime 8.

• Chifukwa wuli tikwenera kudumbirana nawo ŵanthu malemba agho tikuŵazga? Kasi tingachita wuli nthena?—Mil. 17:2, 3; wonani buku la Sukulu ya Uteŵeti, peji 154, ndime 4 m’paka peji 156, ndime 4.