Ŵapayiniya ŵakupharazga makani ghawemi mu chiyowoyero cha Tzotzil ku Chiapas, Mexico
Umo Mungapharazgira
GONGWE LA MULINDA
Fumbo: Kasi para munthu wangamufumbani umo kuchanya kuliri mungamuzgora wuli?
Lemba: Yoh 8:23
Pelekani magazini: Magazini iyi yikulongosora ivyo Yesu na Adada ŵake ŵali kutivumbulira vya kuchanya.
SAMBIZGANI UNENESKO
Fumbo: Kasi mukuwona kuti ivyo uchimi wa mu Baibolo uwu ukulongosora ndivyo vikuchitika nadi sono?
Lemba: 2Ti 3:1-5
Unenesko: Uchimi uwo ukuyowoya vya mazuŵa ghaumaliro ukufiskika sono, ntheura tingagomezga kuti uchimi wakuyowoya vya vinthu viwemi ivyo vizamuchitika kunthazi nawo uzamufiskika.
CHIFUKWA WULI MUKWENERA KUSAMBIRA BAIBOLO? (Vidiyo)
Umo Mungachitira: Tikulongora ŵanthu kavidiyo kafupi aka ako kakulongosora uko tingasanga mazgoro ghaunenesko gha mafumbo ghakuzirwa agho tili nagho. [Muwoneskani vidiyo.]
Pelekani buku: Buku ili likulongosora ivyo Baibolo likuyowoya pa nkhani ya umo Chiuta wazamuwuskirapo masuzgo pa charu. [Mungamupa buku la Kasi Baibolo Likusambizgachi? panji la Baibolo Likutisambizga Vichi?]
IMWE MUNGAPHARAZGA WULI?
Lembani masachizgo ghinu gha umo mungakapharazgira. Mulembe kuyana na masachizgo agho ghalembeka.