Londezgani Mendero gha Khristu Mwakugomezgeka

Yesu wali kutilekera chiyelezgero chiwemi chakuti tingatolerako, chomene para tasangana na masuzgo panji nthambuzgo. (1Pe 2:21-23) Nangauli ŵakamunenanga, kweni wakawezgerapo yayi nanga ni apo wakapulikanga vyakuŵinya pa khuni. (Mrk 15:29-32) Kasi ntchivichi chikamovwira kuzizipizga? Wakaŵikapo mtima kuchita khumbo la Chiuta. (Yoh 6:38) Wakalaŵisiska pa “chimwemwe icho chikaŵikika panthazi pake.”—Heb 12:2.

Kasi tikuchita wuli para ŵanji ŵakutisuzga chifukwa cha chipulikano chithu? Ŵakhristu ŵaunenesko ‘ŵakuwezgera uheni pa uheni yayi.’ (Ro 12:14, 17) Para tikuzizipizga nga umo Yesu wakachitira, tingaŵa ŵakukondwa chifukwa tikumanya kuti Chiuta wakukondwa nase.—Mt 5:10-12; 1Pe 4:12-14.

WONELERANI VIDIYO YAKUTI ZINA LA YEHOVA NDILO NDAKUZIRWA CHOMENE, NA KUZGORA MAFUMBO AGHA:

• Kasi Mudumbu Pötzingera wakachita wuli na nyengo yake apo ŵakamujalira mu jele la yekha?

• Kasi Mubali na Mudumbu Pötzinger ŵakazizipizga masuzgo wuli mu misasa yakuyuzgirako ŵanthu?

• Kasi ntchivichi chikaŵawovwira kuzizipizga?