MAZGU GHA CHIUTA MBUSAMBAZI | LUKA 8-9
Kasi Ntchivichi Chikukhumbikwa Kuti Tiŵe Mulondezgi wa Yesu?
Kuti mizere yiŵe yakunyoloka, munthu uyo wakalimiranga pulawu wakeneranga yayi kulaŵiska kumanyuma. Mwakuyana waka, Mkhristu wakwenera yayi kulaŵiska vinthu vyakumasinda ivyo wali kuvileka mu charu ichi.—Fil 3:13.
Para tasangana na masuzgo, ntchipusu kukumbuka mazuŵa ghakale apo tikawonanga kuti vinthu vikatenderanga makora panji yikaŵa nyengo iyo tikaŵa kuti tindasambire unenesko. Para tachita nthena, kanandi tingamba kuwona nga kuti kale tikasuzgikanga yayi, tikakondwanga waka. Ivi ndivyo Ŵaisrayeli ŵakachita ŵati ŵafuma ku Eguputo. (Maŵ 11:5, 6) Para tikughanaghanira vyakale, chingaŵa chipusu kuti tiwelere ku ivyo tikachitanga. Ipo nyengo zose tikwenera kughanaghanira vitumbiko ivyo tasanga kweniso ivyo tizamusanga para Ufumu wa Chiuta wamba kulamulira pa charu chapasi.—2Ko 4:16-18.