MAZGU GHA CHIUTA MBUSAMBAZI | MILIMO 1-3

Mzimu Utuŵa Ukapungulikira pa Mpingo Wachikhristu

Ŵanthu ŵanandi ŵakufuma mu mitundu yakupambanapambana ku Yerusalemu panyengo ya Pentekoste 33 C.E.

2:1-8, 14, 37, 38, 41-47

Ŵayuda ŵanandi awo ŵakaŵapo ku Yerusalemu pa Pentekoste 33 C.E ŵakafuma ku mitundu yakupambanapambana. (Mil 2:9-11) Nangauli ŵakalondezganga Dango la Mozesi, kweni ŵakaŵa kuti ŵakhala mu vyaru vinyake kwa nyengo yitali panji umoyo wawo wose. (Yer 44:1) Ntheura Ŵayuda ŵanyake ŵakawonekanga na kuyowoya makora chiyowoyero cha uko ŵakakhalanga ndipo ŵakamanyikwanga yayi kuti Mbayuda. Ŵanthu 3,000 ŵakufuma mu mitundu yakupambanapambana ŵakati ŵabatizika, mpingo Wachikhristu ukakura mwaluŵiro chomene. Nangauli Ŵakhristu aŵa ŵakakulira kwakupambana kweni nyengo zose “ŵakawungananga mu tempile.”—Mil 2:46.

Kasi mungalongora wuli kuti mukughanaghanira . . .

ŵanthu mu chigaŵa chinu awo ŵali kufuma ku vyaru vinyake?
ŵabali na ŵadumbu mu mpingo winu awo ŵali kufuma ku vyaru vinyake?