Kasi Mukuwona Makhaliro gha Chiuta Ghambura Kuwoneka?

Kasi para mukuwona luŵa lakutowa, nyenyezi, panji chipopoma mukuwona milimo ya woko la Mlengi? Chilengiwa chikuvumbura makhaliro ghambura kuwoneka gha Yehova. (Ro 1:20) Para tikughanaghanirapo pa ivyo tikuwona, vikutovwira kuti timanyenge nkhongono za Chiuta, chitemwa, vinjeru, urunji wake, kweniso mzimu wake wakupa.—Sa 104:24.

Kasi ni vinthu wuli vinyake ivyo Yehova wali kulenga ivyo mukuviwona zuŵa lililose? Mungawona viyuni na makuni nanga ni para mungaŵa mukati mu msumba. Para tikuwona ivyo Yehova wali kulenga vingatovwira kuti tileke kwenjerwa chomene, tileke kughanaghanira waka masuzgo ghithu, kweniso vikutovwira kugomezga kuti Yehova watipwelelerenge nyengo zose. (Mt 6:25-32) Para muli na ŵana, ŵawovwirani kuti ŵamanyenge makhaliro ghapadera gha Yehova. Para tikulutilira kughanaghanirapo pa chilengiwa, vitovwirenge kuti tisendelere kwa Mlengi.—Sa 8:3, 4.

WONELERANI VIDIYO YAKUTI CHILENGIWA CHIKUVUMBURA UCHINDAMI WA CHIUTA—UNGWERU NA MTUNDU, NDIPO PAMANYUMA ZGORANI MAFUMBO AGHA:

• Kasi ntchivichi chikovwira kuti tiwonenge mitundu yakupambanapambana?

• Kasi ntchivichi chikupangiska kuti mitundu yisinthengesinthenge?

• Chifukwa wuli tikuwona mitundu yakupambanapambana kuchanya?

• Kasi ni mitundu wuli yakukondweska iyo mukuyiwona pafupi na nyumba yinu?

• Chifukwa wuli tikwenera kupatura nyengo kuti tighanaghanirengepo vinthu ivyo Chiuta wali kulenga?