MAZGU GHA CHIUTA MBUSAMBAZI | 1 ŴAKORINTE 1-3
Kasi Ndimwe Munthu Wauzimu Panji Yayi?
Waliyose wa ise wakwenera kuŵikapo mtima kuti waŵe munthu wauzimu na kulutilira kukura mwauzimu. (Efe 4:23, 24) Kuti muchite nthena mukwenera kujilyeska mwauzimu, kuŵa na vilato vyauzimu, kweniso kuŵikapo mtima kuti muŵe na vipambi vyamzimu.
Kasi pasono mukuchita wuli mwauzimu pakuyaniska na chaka chamara, vyaka 10 ivyo vyajumpha, panji mwati mwabatizika waka?