Kasi Munganozgekera Wuli Chikumbusko?

Kwamba chaka chino kuya munthazi, tiŵenge na nyengo yinandi yakunozgekera Chikumbusko cha nyifwa ya Khristu. Para Chikumbusko chili mukati mwasabata, Ungano wa Uteŵeti na Umoyo Wachikhristu, uchitikenge yayi sabata iyo. Para Chikumbusko chiliko pa chisulo panji pa sabata, nkhani yachisanisani kweniso sambiro la Gongwe la Mulinda viŵengeko yayi. Kasi mugwiliskirenge ntchito mwamahara nyengo iyo mwate muchitirenge maungano? Nga umo vikaŵira mu nyengo yakale, nase tikwenera kuchita vinthu vinyake kuti tinozgekere ungano wapadera uwu. (Lu 22:7-13; km 3/15 1) Kweni waliyose payekha wakwenera kunozgekereska mtima wake kuti wazakapindure na ungano uwu. Kasi munganozgekera wuli?

• Ghanaghaniranipo uwemi wakuŵapo pa Chikumbusko.—1Ko 11:23-26

• Lombani na kughanaghanirapo umo ubwezi winu na Yehova uliri.—1Ko 11:27-29; 2Ko 13:5

• Ŵerengani na kughanaghanirapo Malemba agho ghakuyowoya chifukwa icho tikuchitira Chikumbusko.—Yoh 3:16; 15:13

Ŵapharazgi ŵanyake ŵakuŵerenga na kughanaghanirapo mavesi agho ghakusankhika kuti ghaŵazgike panyengo ya Chikumbusko agho ghakuŵa mu kabuku ka Kusanda Malemba Zuŵa na Zuŵa. Kweni ŵanyake ŵakuŵerenga mavesi gha mu Baibolo agho ghalongoreka pa tchati apa. Apo ŵanyake ŵakuwona nkhani mu Gongwe la Mulinda izo zikuyowoya vya Chikumbusko na chitemwa icho Yehova na Yesu ŵali kutilongora. Chilichose icho mungasankha kuti musambire panyengo ya Chikumbusko, mphanyi chamovwirani kuti musendelere chomene kwa Yehova na Mwana wake.