Sambiro la Mwaŵene Likwenera Kuŵa Lakukhozga

CHIFUKWA WULI NTCHAKUZIRWA? Kusambira patekha Mazgu gha Chiuta kukutovwira kuti timanye “makora uwo mbusani, utali, kutumphuka, na kunyang’amira kwa unenesko.” (Efe 3:18) Kusambira patekha kukutovwiraso kuti tilutilire kuŵa ŵambura kafukwa kweniso ŵambura kalema pakati pa ŵanthu ŵa mu charu ichi na kulutilira ‘kukoleska mazgu gha umoyo.’ (Fil 2:15, 16) Kusambira Mazgu gha Chiuta patekha kukutipa mwaŵi kuti tisankhe tekha ivyo tingatemwa kusambira. Kasi tingachita wuli kuti tipindurenge para tikuŵerenga na kusambira Baibolo?

UMO MUNGACHITIRA:

• Mungagwara mzere ku mavesi na kulemba manosi para mukusambira pamwekha, mungachita nthena kwali mpha foni panji mu Baibolo linu

• Jifumbani mafumbo agha para mukusambira Mazgu gha Chiuta: ‘Ninjani? Ni vichi? Pawuli? Nkhu? Chifukwa? Mu nthowa wuli?’

• Kuti muyimanye makora nkhani, mungagwiliskira ntchito vyakufufuzira kuti musange vesi panji nkhani yinyake

• Ghanaghaniranipo pa ivyo mwaŵerenga na kuwona umo vingamovwilirani

• Yezgani kulondezga ivyo mukusambira pa umoyo winu wa zuŵa na zuŵa.—Lu 6:47, 48

WONELERANI VIDIYO YA MUTU WAKUTI PARA MUKULIMBIKIRA KUSAMBIRA ‘MUKOLESKENGE MAZGU GHA UMOYO, NDIPO PAMASINDA ZGORANI MAFUMBO GHAKULONDEZGAPO AGHA:

• Kasi ŵanyake ŵayowoyapo vichi pa nkhani yakusambira Baibolo paŵekha?

• Chifukwa wuli tikwenera kulomba dankha pambere tindambe kusambira patekha?

• Kasi ntchivichi chingatovwira kuti tipulikiskenge nkhani iyo tikusambira mu Baibolo?

• Kasi ni mitundu wuli iyo mungashedera mu Baibolo para mukusambira pamwekha?

• Chifukwa wuli ntchakuzirwa kuti tighanaghanirengepo para tikusambira Mazgu gha Chiuta?

• Kasi tikwenera kuchita wuli na ivyo tikusambira?