Muchezgenge na Ŵanthu Awo Ŵakutemwa Yehova

Chifukwa wuli tikwenera kuchezga na ŵanthu awo ŵakutemwa Yehova? Chifukwa ŵanthu awo tikuchezga nawo ŵangatovwira kuti tichitenge viwemi panji kutinanga. (Zi 13:20) Mwachiyelezgero, Themba Yehowashi wakachitanga “icho ntchakwenelera pamaso pa Yehova” panyengo iyo wakachezganga na Wasembe Mukuru Yehoyada. (2 Mid 24:2) Yehoyada wati wafwa, Yehowashi wakaleka kuteŵetera Yehova chifukwa chakuti wakamba kwendezgana na ŵanthu ŵaheni.—2 Mid 24:17-19.

Kale, mpositole Paulosi wakayaniska mpingo Wachikhristu na “nyumba yikuru” ndipo ŵabali na ŵadumbu mu mpingo wakaŵayaniska na “viŵiya” panji kuti katundu wamunyumba. Tikulutilira kuŵa “chiŵiya cha mulimo wakuzirwa” para tikuleka kuchezga na waliyose uyo wakutondeka kulondezga fundo za Yehova, nanga wangaŵa wamubanja lithu panji uyo tikusopa nayo lumoza. (2Ti 2:20, 21) Ntheura tiyeni tilutilire kusanga ŵabwezi ŵawemi awo ŵakutemwa Yehova kweniso awo ŵangatichiska kuti timuteŵeterenge.

WONELERANI VIDIYO YAKUTI, KANANI MENDEZGANO GHAHENI, NDIPO PAMANYUMA ZGORANI MAFUMBO GHAKULONDEZGAPO AGHA:

• Kasi tingamba wuli kuchezga na ŵanthu ŵaheni kwambura kumanya?

• Mu vidiyo iyi, kasi ntchivichi chawovwira Ŵakhristu ŵatatu aŵa kuti ŵaleke kuchezga na ŵanthu ŵaheni?

• Kasi ni fundo wuli za mu Baibolo izo zingamovwirani kuti musankhenge makora ŵanthu ŵakuchezga nawo?